वेदांत सप्ताह महोत्सव – २०२२,

ज्ञानप्रबोध वेदांत शिक्षा शिविर – दिवस सहावा

आधी श्रीगुरूपरंपरेस वंदून ।
नंतर भगवद्गीतेसी नमून ।
आधीची उजळणी करून ।
गीतायज्ञ धडाडला ॥१॥

दान, तप, यज्ञ ।
हेच मानवाचे कर्तव्य ।
पवित्र करूनि धन्य ।
मानवा करीतसे ॥२॥

पंचभूत यज्ञातील शेष ग्रहण ।
करूनि देहाचे करावे समाधान ।
स्वतःपुरता शिजवून करिता भक्षण ।
पाप भक्षिल्यासमान होय ॥३॥

दानाचे प्रकरण चालवित ।
अनंत फायदे गिनवित ।
उदाहरणे देई अपरिमीत ।
ज्ञानराजा गुरूसार्वभौमा ॥४॥

अज्ञान, लोभ, मोह, कंजुषपणाचे क्षालन ।
प्रकृतीबरोबरची समरसता अनुभवे जाण ।
सामाजिक न्यायासही हेच कारण ।
फायदे अनेक दानाचे ॥५॥

दानात दान अन्नदान ।
सर्वश्रेष्ठ तेच जाण ।
तृप्ती होऊनि समाधान ।
केवळ अन्नदानानेच ॥६॥

दान देणे माझे कर्तव्य आहे ।
अंतरी ही भावना उपजली आहे ।
देश, कालही दानासी उत्तम आहे ।
पहावे नित्य दानसमयी ॥७॥

पात्रता पहावी समोरच्याची तपासून ।
उपकार न करणाऱ्यास शोधून ।
दान करावे मग मनापासून ।
लक्षण सात्विक दानाचे ॥८॥

क्लेशपूर्वक जे करीती दान ।
प्रत्युपकाराचा हेतू मनी ठेवून ।
अथवा फळाची अपेक्षा धरून ।
केलेले दान राजस ॥९॥

अयोग्य काळी, योग्य सत्कारावीण ।
उपमर्द करूनि, अयोग्य ठिकाण ।
कुपात्री केलेले सकळ दान ।
तामस केवळ जाणावे ॥१०॥

राहता यज्ञ-दान-तपात काही न्यून ।
सुधारण्याची परमात्मा सांगे खूण ।
सश्रद्धे करिता भगवंताचे नामस्मरण ।
सात्विक होय सकळही ॥११॥

तेवीसावा श्लोक अत्यंत महत्वाचा ।
ॐ तत्सतचा घनीभूत साचा ।
ज्ञानराजाची गोड मधूर वाचा ।
अमृतसिंचन करीतसे ॥१२॥

ज्याच्या मननाने येई त्राण ।
मंत्र त्यासी म्हणती विद्वज्जन ।
ॐ तत्सत् महामंत्र जाण ।
ज्ञानगुरू प्रतिपादतसे ॥१३॥

ॐ असे अक्षर ।
ॐ असे स्वर ।
ॐ ध्वनी मधुर ।
ॐ निशाणीही ॥१४॥

ॐ तत्सतचे स्वरूप ।
उदाहरणे देऊन अमुप ।
परमात्म्याचे वास्तविक रूप ।
ज्ञानगुरू सहज उलगडतसे ॥१५॥

परमात्मा हा अनादी अनंत ।
अस्तित्व ही अनादी अनंत ।
परमात्मा म्हणजेच अस्तीत्व ।
भेद मिटवी ज्ञानराजा ॥१६॥

ॐतत्सतचे करूनि उच्चारण ।
ब्रह्मदेवे सृष्टी निर्मिली जाण ।
मुख्यत्वे यज्ञ, वेद, ब्राह्मण ।
निर्मिली ब्रह्मदेवे ॥१७॥

ब्राह्मण म्हणजे नेमके काय ।
सविस्तर व्याख्या करीत जाय ।
ब्रह्मासी जाणणारा ब्राह्मण होय ।
अज्ञान तिरोहीत ज्ञानमाऊली ॥१८॥

आम्हा अज्ञानी लोकांची धडपड ।
ह्या जडजीवाची होतसे परवड ।
प्रभुकृपे लाभला ज्ञानराज आधारवड ।
धरून ठेवणे हितकर ॥१९॥