गुढी उभारू प्रभु नामाची

गुढी उभारु प्रभु नामाची
“माणिक जय गुरु माणिक” याची

शरीर अपुले वेळू काठी
लेपवू सत्त्व गुणांची ऊटी
साडी रेशमी बांधू भक्तिची
गुढी उभारु प्रभु नामाची

मन-कलशाला करू पालथे
श्रीगुरु वचन सुतांचे वेढे
माळ शर्करा मधु भावाची
गुढी उभारू प्रभु नामाची

श्रद्धा-सुमने गुंफूनी माला
ध्यान लावू लिंबड्याचा पाला
करुनि अशी शुद्धी चित्ताची
गुढी उभारू प्रभु नामाची

गुढी उभारू प्रभु नामाची
“श्री माणिक जय माणिक” याची
“हर माणिक आणि हरी माणिक”
हे नाम आमुच्या सुखा कारणिक
भव तरण्या नसे आम्हा आणिक
केवळ “चिन्माणिक सन्माणिक”

[social_warfare]