वेदांत सप्ताह महोत्सव – २०२२
ज्ञानप्रबोध वेदांत शिक्षा शिविर – दिवस पहिला
व्हावी मानवास जीवन मुक्ती ।
वेदांत ज्ञानाची हीच प्राप्ती ।
ज्ञानराजे प्रज्वलीत केली ज्योती ।
वेदांत सप्ताह महोत्सवाची ॥१॥
कोरोना महामारीच्या काळात ।
खंड पडला महोत्सवात ।
पुन्हा एकदा उत्साहात ।
सप्ताह रंगला ॥२॥
वेदांचे संक्षिप्त विवरण ।
कर्म, उपासना, ज्ञान ।
कांडांची तीन प्रकरण ।
वेदांमध्ये सांगीतली ॥३॥
जीवा समाधान नोहे कर्मकांडे ।
तैसेचि नाही ते उपासनाकांडे ।
तृप्तीचा अनुभव मात्र ज्ञानकांडे ।
वेदांताचा गाभा जो ॥४॥
प्रभु परमात्मा स्वरूपाची जाण ।
जीव-ब्रह्माच्या ऐक्याचे प्रतिपादन ।
ज्ञान अंतरी रूजण्याचे नियोजन ।
केले वेदांत सप्ताहात ॥५॥
भगवद्गीतेचा मुख्य आधार ।
वेदांत सप्ताहास खरोखर ।
एकेका अध्यायावर प्रखर ।
प्रकाशझोत सप्ताहात ॥६॥
पुन्हा एकदा सिंहावलोकन ।
भगवद्गीता अध्यायांचे विवेचन ।
तीन षटकवार निरूपण ।
पूर्वतयारी भक्तजनांची ॥७॥
सतरावा अध्याय गीतेचा ।
श्रद्धात्रय विभाग योगाचा ।
ज्ञानार्जना पुरक जीवनशैलीचा ।
मार्ग सांगे परमात्मा ॥८॥
श्रद्धा जरी अंतरात ।
परी शास्त्रविधी उल्लंघीत ।
अशांची लक्षणे सांगावीत ।
अर्जुन पुसे कृष्णासी ॥९॥
देहाची जशी परिस्थिती ।
श्रद्धेची तैसी स्थिती ।
रजतमसत्व नित्य बदलती ।
एकच मानवी देहात ॥१०॥
रसाळ निरूपणाच्या आहुती ।
ज्ञानराज स्वहस्ते टाकती ।
ज्वाळा गीतायज्ञाच्या उठती ।
चेतविण्या भक्तांस ॥११॥
????????????Si sadgur MANIK PRABHU MAHARAJ KI JAI ????????
सोपे आणि सहज समजेल असे प्रथम दिन वेदांत शिबिर प्रभु प्रवचनाचे सार.
सुंदर वर्णन
झालो आम्ही बहू धन्य रे ,
भेटले सगुण हे ब्रम्ह रे .
जय गुरू माणिक…
फारच चांगले प्रवचन, रोजच्या व्यवहारात उपयोगि
जय गुरु माणिक
జై గురు మాణిక్ ????????????
जय श्री कृष्ण ????